دعيت لتكريم الشاعر الفارس وليد الغربي العتيبي
من قبل اللجنه المنظمه للحفل

خلت الخيال اللي على العارض تشع ابه البروق=قلت السحـاب عيـال روق وحفلهـم براقهـا
تقول كن الشمس غابت ثـم عـادت للشـروق=اغيابهـم بغيابهـا واحضورهـم باشراقـهـا
والليلة المضمار حامي يـا مسخـرة الطـروق=وكـل ٍ يقـدم سابقـه حتـى يحيـن اطلاقهـا
وانا معي بنت الكحيله لاحتمى الموقف سبـوق=اللي على الاول مضريهـا بخـوض سباقهـا
من مربط سهوم المنايا اللي لها بالمجـد طـوق=ومن الفخر والعـز تمشـي مـا تلـم اشناقهـا
بقوم لاعد الفخـر نفـرق ليـا جـت للفـروق=كان النجـوم الهـا فلـك حنـا ترانـا افاقهـا
سوق الذهب غالي وحنا كلنـا جـلاب سـوق=واهل العراق ادرى بسلعتهـا وسـوق عراقهـا
والهاجس اللي من غثى الساحه يفوق ومايفـوق=لين اندثـر جـل القصايـد واختلـط برقاقهـا
يصحي ليا جا موقفه لاني على الخـوه شفـوق=ولايحكم اهـل الوفـا غيـر الوفـا واخلاقهـا
لولا وليد ولابته مـا جيـت وعيونـي تتـوق=لمصافحة بيض الوجيه اللـي تـزف اشواقهـا
عتيبه الهيلا لها صيتٍ علـى وصفـي يفـوق=قبيلـةٍ يزهـى الفخـر بافعالهـا واعراقـهـا
الدم من طيب النبـا يطبـخ ويغلـي فالعـروق=على الكرم والعـز والخـوه وطيـب اذواقهـا
ان كان تبغى هاجسي يا راعي الحفلـة يـروق=قولوا وليد اللـي لـه العـذراء تلـد احداقهـا
الصعبه اللي في طريقه يوم صمّـل مـا تعـوق=شوق الخشوف اللي على ذكره تطول اعناقهـا
يستاهل التكريم رجـلٍ يرفـع الهامـات فـوق=وركاب عزمه فالمواقـف دون ربعـه ساقهـا
يا فارس الهيلا حضوري لك علي من الحقـوق=لأن الخوي مثلـك حقوقـه مـا نفـك وثاقهـا
ان كان تبغى الطيب غربي وان بغيت العز روق=من غير قاصر فالقبايـل مـا نهضـم شقاقهـا
خلت الخيال الي على العارض تلوح به البروق=اثـر السحـاب عيـال روق وحفلهـم براقهـا

هذه القصيده مهداه للاخ فوزي بن مربح الرشيدي فارس الصحراء
قلتها اثناء احتفالية قبيلة عبس لهذا الفارس في حايل

فارس عبس

ضرب..المعاني..سواة..القبـس..!!=وعن مدحة...الكفو..ما أجوزي..!!
شاعر..بيوته..فذاذ..الـتـبـس..!!=لكّنْ..يغنـي..عـن..الـهـوزي..!!
ماني..بشاعر..جديد..الـلـبـس..!!=جديدي..الـجـزل..ويـنـوزي..!!
نور...القمر..غير..نور..الكبس..!!=فرق..الحديده..عـن..الـروزي..!!
ولاّ..زمان..الشفر..والهـبـس..!!=اليوم..رنـجـات..وبـنـوزي..!!
في..حفل..تكريم..فارس..عبس..!!=للعزّ..والـطـيـب..يـافـوزي..!!
عقب..التعب..والجَهدْ..والحبس..!!=عزّالله..إنـك..مـن..كـنـوزي..!!
تجبر..خويّك..جبارة..جـبـس..!!=وعَلَمْكْ..بالطيـب..مـركـوزي..!!
تمـر ٍ..عذوقه..عليهـا..دبـس..!!=مزبان..من..حـدّه..الـعـوزي..!!
نور ٍ..كشح..جهرْ...ماهو..غبس..!!=عبس..الشهيره..هل...الفـوزي..!!
ريق..العدو..من..طغاهم..يبـس..!!=وتحوز..خيل..العـدا..حـوزي..!!
سليل...فرسان..صفوة..عبـس..!!=ماهي..غريبه..علـى ..فـوزي..!!
ضرب..المعاني..سواة..القبـس..!!=وعن..مدحة..الكفو..ما..أجوزي..!!

عبدالله بن مرهب

لعيون..شمس..الأدب..والشعر..والحفله..!!=حاضر..!!..وياليتها..بصمه..بتاريخي..!!
من..كل..بستان..زاكي..فل..بقطفله..!!=اليوم..هذا..يخلّد..للتواريخي..!!
دن..الرعد..والبروق..تلوح..محتفله..!!=مزن ٍ سحابه..على..روس..الشماريخي..!!
ياشاعر..الجيل..والساحات..منعفله..!!=بأشباه..شعّار..محتاجه..لتوبيخي..!!
أستثني..أهل..الأدب..والشعر..نهتفله..!!=شعّار..عقّال..ورجال..ومطانيخي..!!
واللي..سواتك..قرين..أبداع..ناقفله..!!=نوّخت...روس..العلا..بيديك..تنويخي..!!
آخر..ماأقوله..قبل..ما..أوّدع..الحفله..!!=أشرف..بنات..العرب...تستاهل..الشيخي..!!

عبدالله بن مرهب

بعد..السلام..ورحمته..قدّام..طلقين..الوجيه..!!=إنصاتكم..يلزم..علي..أعيدها..وأقولها..!!
بإسم..بني..مرهب..وأبوشعوان..نورد..مايليه..!!=يامرحبا..ترحيبة ٍ..تسمو..لنا..وأسمولها..!!
يامرحبا..ترحيبة..الصفطان..والقلب..النزيه..!!=قدّام..عكفان..الشوارب..يبتدي..مفعولها..!!
اللي..يجينا...من..غلا..نعطيه..كل..اللي..يبيه..!!=وإرسالة اللي..ماحضر..يكفي..حضر..مرسولها..!!
في..حلة..أهل.الواجبه..والطيب..والراي..الوجيه..!!=سعدْ..الرفيق..بساعة ٍ..فيها..تدق..طبولها..!!
من..مرهب..الأول..ومن..بعده..ومن..سنّدْ..عليه..!!=روس ٍ..سلايل..روس..وشهود..الرجال..إفعولها..!!
منّا..شجاع..وعايش..الطيب..أبتدى؟..وين..أنتهيه..؟!!=أهل..المحازم..والبنادق..لأعتزو..لبّو..لها..!!
ومنّا..طحاطيح...الرجال...اللي..تشرّف..من..تجيه..!!=جمال..الحمول..اللي..تشيل..ولاتكلْ..حمولها..!!
نشوم..لاجانا..الخطا..من..خبلْ..والاّ..من..سفيه..!!=روس..العرب..من..شان..خاطرها..تمون..خبولها..!!
قالو..لي..إن الناس.كم..فيها..نظير..وكم..شبيه..!!=وأقول..أنا..وجه..الشبه..والإختلاف..عقولها..!!
كلام..من..نبعي..ليامنّي..نطقته..محتميه..!!=يغنيك..قِصرْ..السالفه..لاوُضِّحت..عن..طولها..!!
واليوم..هذا..عيد..مهما..قلت..والاّ..جبت..فيه..!!=شوفة..بني..عمي..دهاة..المرجله..وزحولها..!!
وسلامتك..يافيصل..الغرمول..يالعقل..النبيه..!!=ياشيخنا..اللي..تنِشر..البيضا..عليه..سبولها..!!
يامرحبا..ترحيبة..الصفطان..والقلب..النزيه..!!=قدّام..عكفان..الشوارب..يبتدي..مفعولها..!!
بإسم..بني..مرهب..وابوي..وقدم..طلقين..الوجيه..!!=يامرحبا...ترحيبة ٍ..تسمو..لنا..واسمو..لها..!!

تلقيت دعوه من الاخ الشاعر المبدع/سعد بن عبدالله بن شفلوت آل مناديه القحطاني بمناسبة زيارة سمو الأمير/سعود بن خالد بن عبدالله آل سعود له

فقلت

سلام الله..نسوقه..من..محبه..ياولد..شفلوت..!!=هذا..رد..الثناء..لوكان..ميقافك..وميقافي..!!
سلام..أنقى..من..الغيمه..وألذ..من..العنب..والتوت..!!=علشان..الصداقه..والوفاء..جيناك..يالوافي..!!
ليا.من.البيوت..أرهت..عليْ..وقمت..أجر..الصوت..!!=أوردها..على..العدّ..القراح..القرهد..الصافي..!!
يوم ٍ..أهل..المناكب..فالمواقف..يلبسون..بشوت..!!=لبسنا..عزّنا..لبس..البشوت..وعزّنا..ضافي..!!
يقولون..العبيدي..بالوفاء..دون..الخويْ...يموت..!!=وأنا..أقول..العبيدي..موقفه..ومثبوت..ويشافي..!!
عيال..مضيم..وكعام..العدا..يوم..البخوت..بخوت..!!=على..وضح..النقا..فالماقف..الغصّاب..تستافي..!!
لهم..في..ساحة..التاريخ..عز ٍ..فالصخر..منحوت..!!=أهل...نخوه..وأهل...فزعه..وطيب..أجدود..وأسلافي..!!
عزمت..فمجلسك..روس..الشيوخ..وموقفك..مثبوت..!!=هذا..هرج..الصحيح..ومن..بقاله..دين..يستافي..!!

من هجوس..الشاعر..اللي..لابدا..اللازم..يقوم..!!=ياسلام الله سلام ٍ..مايضاهي له..سلام..!!
نبتدي..به..في..محل..أهل..العوايد..والسلوم..!!=لابة ٍ..مقدارها..بالطيب..في..راس..السنام..!!
جيت..باسمي..وأسم..ربعي..واسم..شيخان..البقوم..!!=الرجال..اللي..تجمّل..فالمواقيف..الجسام..!!
أجتماع العز..هذا..لاجل..تعزيز..العزوم...!!=بيضّ الله وجه..من ساعد..إنجاح..المقام..!!
في ..ذرى..بشت ٍ..يذري..عن..لواهيب.السموم..!!=لاغريبه..والكريم..الحر..من..نسل..الكرام..!!
زبن..من..حدّه..زمانه..على..سدت..لزوم..!!=الحزام..اللي..يسمّى..ساعة..الضيق..الحزام..!!
ياولد..نايف..شهر..صيتك..ورى..حد..النجوم..!!=وأنت..جدك..سابقك..بالطيب..حمّاي..الجهام..!!
راعي..السيف..الحدب..عمهوج..حرّاب..الخصوم..!!=قبل..مايِجمعْ..شتات..الشمل..بيدين..الإمام..!!
جيت..أشارك..حفلكم..يالله..عسى..عزّه..يدوم..!!=يعجز..التعبير..في..مدحك..على..جزل..الكلام..!!
جيت..باسمي...وأسم..ربعي..وأسم..شيخان..البقوم..!!=بيض ّ..الله..وجه...من...ساعد.إنجاح..المقام..!!

دعيت من قبل اللجنه المنظمه لحفل تكريم فارس الصحراء فارس هذيل

الشاعر/ صالح الهذلي

فقلت

القصايد..تختلف..يوم..المواقف..غير..غير...!!=قلتها..من..عقب..مازانت...وحان..إعتاقها..!!
من..حراير..فكري..المطنوخ..لاشبّت..سعير..!!=كنها..شقراء ٍ على..الأول....تخوض..أسباقها..!!
لامشت..كنْها...تقيس..الإرض..وتحث...المسير..!!=رابيه..فاسطبل..الازرق..ماتلّم..أشناقها..!!
في..نهائي..كاس..ابومتعب..على..الشوط..الاخير..!!=يوم..فازت..بشروا.سلطان..قبل..عناقها..!!
شاعر ٍ..لاطاب..فكره...جابها..مسك..عبير..!!=والدواوين..العريقه..ماتضيع..أورقها..!!
مزنة..الفرحه..على..وجه..البشاره..والبشير..!!=دندن..الرعاد..فيها..وأرتقص..براقها..!!
ياسلام..عليكم..ياهل..الحفل..الكبير..!!=من..هجوس ٍ..تطرب..السامع..بطيب..أذواقها..!!
جيت..بأسمي..واسم..ربعي..مروية..حد..الشطير..!!=حشمة..هذيل..العريقه..يوم..أزف..أشواقها..!!
لابة ٍ..لاعسكر..البارود..فاليوم..العسير..!!=كنّها..تدجر..على..صوت..الفشق..وإطلاقها..!!
من..عصور..الجاهليه..مجدها..مجد ٍ..شهير..!!=شمسها..ياجعل..ربي...مايحجب..إشراقها..!!
ألف..شاعر..وألف..مبدع..والكثير..من..الكثير..!!=كم..صحابي..من..هذيل....وكم..نجم..بأفاقها..!!
لين..عهد..المملكه..وملوكنا..العز..المثير..!!=وإجتمعنا...والرجال..بعزّها..وإخلاقها..!!
جيت..حشمة..صاحبي..وأخوي..والوجه..السفير..!!=خوة ٍ..نحفظ..وفاها.....مانفك..وثاقها..!!
علمو..صالح...بعد..جيناه..مادامه..بخير..!!=نعنبو...نفس ٍ..تعرفه...ماتزين..أخلاقها..!!
شاعر ٍ..لاطاب..فكره..جابها..مسك..وعبير..!!=والدواوين..العريقه..ماتضيع..أوراقها..!!

عبدالله بن مرهب

دعيت من قبل الشيخ راجح بن شباب بن جروه السبيعي لحضور أحتفال الاخ ثواب بن وندان السبيعي في منزله الجديد بالخرمه


فقلت

سلام الله..سلام ٍ..مايمدّ..الاّ..على..الغالين..!!=رجال ٍ..سعد..عين..اللي..تلبيله..عزاويها..!!
وسلام..الله..سلام ٍ..يرفع..الهامه..ليوم..الدين..!!=على..روس..الرجال..اللي..تقدّر..من..يخاويها..!!
هل..الغلبا..مزبنة..الضعيف..من..القهر..والدين..!!=رجال ٍ..سطر..التاريخ..حاضرها..وماضيها..!!
حضرنا..في..محل..آلاد..صامل..عزوة ٍ..وافين..!!=علشان..العواني..واجب..تقدر..عوانيها..!!
خوال..وروس..قوم..ورفقة ٍ..فالعسر..والاّ..اللين...!!=رجال ٍ..تعرف..الواجب..ولاتخلف..هقاويها..!!
رجال ٍ..حدها..دونه..نصاب..السيف..أبوحدين..!!=بيوت..العز..تبنيها..ولاتهدم..مبانيها..!!
يابوشبّاب..يوم أني..فهقت..خلافي..العرقين..!!=لك..الله..ماتّعذر..لوحصل..فيها..ومافيها..!!
لك الله..يوم..جينا..يابن..جروه..للوعد..شفقين..!!=عشان..اسمك..واسم..جدك..واسم..شبّاب...نوفيها..!!
شيوخ ٍ..يوم..صلفات..الليالي..والقسى..قاسين..!!=شيوخ ٍ..ترغب..الطاله..وتكسبها..وتحميها..!!
وأنا..رغم..أرتباطي..وانت..مالك..فاليمين..يمين..!!=حضرت..مشاركه..لان..المواقف..مانخليّها..!!
نيابه..عن..بني.عمي..عن..القاصين..والدانين..!!=نبارك..فالمحل..وراعي..الحفله..وداعيها..!!
ليا..منّي..بديت..أبدا..وأنا...في..خاطري..ثنتين..!!=أبيض..وجه..ربعي..والعواني..لين..نرضيها..!!

عبدالله بن مرهب

دعيت من قبل الشيخ راجح بن شباب بن جروه لحضور أحتفال قبيلة الصمله من سبيع أثناء إقامة مزايين سبيع في منطقة رنيه

فقلت

آلاد صامل

هنا..هنا..!!..واللي..يفيق..يعلّم..اللي..مايفيق..!!=يالآد..صامل..باقي..الواجب..بحسن..الإستماع.!!
سلام..ياوجه..السعد..يارعي..الوجه..الطليق..!!=لولا..غلاك..وحشمتك..ماكان..فلّيت..الشراع..!!
ياريف..ربعك..ياذرى..المضيوم...ياعز..الرفيق..!!=يابن..الكريم..ابن..الكريم..ابن..الشجاع..ابن..الشجاع..!!
لانك..ولد..من..صفحة..التاريخ..بأفعاله..تضيق..!!=شبّاب..شبّاب..السعد..ذكره..مع..أهل..الطيب..شاع..!!
شيخٍ..وريث..أهل..الأشده..سمعته..مسك..ورحيق..!!=عساه..فالفردوس..مسكانه..وبجنان ٍ..وساع..!!
نسل ..الرجال..اللي..بنت..مجد ٍ..مثل..قمة..طويق..!!=محصنينه..مثل..تحصين..المناير..والقلاع..!!
جمعت..ربعك..في..محلك..وأنت..للعليا..عشيق..!!=جمعتكْ..هذي..عز..ياحيّك..وحي..الإجتماع..!!
كل ٍ..على..قدّه..يقاس..المدح..ويساق..البريق..!!=وأحد ٍ..تقدمّله..شبر..وأحد ٍ..تقدّمله..ذراع..!!
قدرك..يابوشبّاب..عندي..كنك..أخوي..الشقيق..!!=جينا..على..شان..الكفو..مثلك..ولاجينا..جياع..!!
بأجيب..لك..مالاق..لك..وأجنّب..اللي..مايليق..!!=وأطوّع..الصعبه..وألينّها..بقدر..المستطاع..!!
وأجلب..لك..الجزله..ولو..من..قاعة..البحر..العميق..!!=والسلعه..الهزله..تراها..لاتسام..ولاتباع..!!
بنات..فكري..لاجذبت..الصوت..ماراحن..طقيق..!!=أعرف..طبايعهن..وأميّز.فالثنيه..والرباع..!!
يالآد..صامل..ياسنام.المجد..يالمجد..العتيق...!!=أهل..المواقف..والسيوف..الحدب..لاكبر..النزاع..!!
من..عزوة..الغلبا..تعز..الجار..وتعز..الصديق..!!=روس..الرجال..أهل..الثلاث..البيض..وافين..الطباع..!!
خيّالهم..يقدم..نهار..الكون..لوشبت..حريق..!!=ستر..الهنوف..اللي..رمت..يوم..أنتخت به..بالقناع..!!
قلته..وأنا..من..لآد..نامر..ذروة..المجد..العريق..!!=بأفعالهم..تشبع..طيور..الجو..وتعيش..السباع..!!
جدي...ولد..مرهب..وربعي..محزمي..في..كل..ضيق..!!=مافيهم..الراس..الردي..مافيهم..القلب..الرعاع..!!
سمو..البقوم..اللي..ليا..عمست..ونشفت..كل..ريق..!!=حرابّهم..لاكال..صاع..أترد..له..عشرين..صاع..!!
نيابة ٍ..عنهم..جميعاً..جيت..وأدل..الطريق..!!=بمزاين..الغلبا..نهنيكم..وفعل..الطيب..ذاع..!!
يالآد..صامل..ياسنام..المجد..يالمجد..العتيق..!!=أهل..المواقف..والسيوف..الحدب..لاكبر..النزاع..!!
تبغون..هرج..الصدق...والعلم..المثبّت..والوثيق..!!=الطيب؟..ياراجح..ولد..عمّه..ياأخوه..من..الرضاع..!!

عبدالله بن مرهب

الواجبه..ياربعنا..السبعان..ماعنها..صدود..!!=من..صد.عنها..لحيته..ماهي..بكفو..أشنابها..!!
والشاعر..اللي..مايثبّت..وقفته..بين..الوفود..!!=ماهو..بشوق..الجادل..اللي..نقشّت..بخضابها..!!
وأنا..عشيق..الترفه..أم..الغنجْ..زاهية..الورود..!!=بنت..الرجال..اللي..رمت..لي..سترها..وحجابها..!!
قصيدتي..مثل..السحاب..اللي..تدن..بها..الرعود..!!=أليا.أمطرت..في..ديرة ٍ..سالت..جميع..إشعابها..!!
وأليا..طلبت..الهاجس..المطنوخ..يرقابي..سنود..!!=لين..أقطع..الفرجه..على..ريمه..واشد..كرابها..!!
أصبها..صب..الذهب..وإعدّها..عد..النقود..!!=من شان..طلقين..الوجيه..اللي..نحسب..حسابها..!!
سلام..يالآد..المجمّع..ياعريبين..الجدود..!!=تسليمة ٍ..من..طيب..راعيها..تفوح..أطيابها..!!
وسلام..يأهل..الجذع..وافين..الخصايل..والعهود..!!=حرار..من..نسل..الحرار..إليا..شهرت..مخلابها..!!
حمّاية..الوادي..وضلع..الكور..والعالم..شهود..!!=بصنع..الفرنجي..والسيوف...اللي..مكنْ..مضرابها..!!
زبن..الدخيل..اللي..شكى..ضيم..الليالي..والجحود..!!=سعد..الرفيق..إن..كشّرت..بقعا..عليه..بنابها..!!
أهل..الكرم..يوم..الرجال..بكل..ماتملك..تجود..!!=أبيوتهم..للضيف..دايم..ماتصَِكْ..أبوابها..!!
ذيدانهم..يوم..المداحم..دون..جمّات..العدود..!!=تارد..على..عد..الروى..غصب ٍ..على..حرابها..!!
حمى..المتون..اللي..ترازم..يوم..قدحات..الزنود..!!=ترعى..وتفداها..رقاب..رجال..دون..رقابها..!!
رثم..الخشوم..أم..الرقاب..الجرد..سمحات..الخدود..!!=سود ٍ..يبى..راع..الولع..يبطي..عظم..ماجابها..!!
فج..النحور..إن..زرفلت..بالهون..مافيهن..شرود..!!=طِفحْ..اللحي..اللي..مهادلها...ضفت..بأنيابها...!!
شرف...الآذاني..لاجذبت..الصوت..لدّت..لك..بزود..!!=كن..المودّه..حشر..بن..مسند..وهو..أولابها..!!
الهجمه..اللي...زينها..يفرق..بها..عن..كل..ذود..!!=نسع..الغوارب..مبعدات..الشوح..ياكسابها..!!
إن..حدّرت..نجد..العذيه..حطّت..يمين..النفود..!!=وإن..سندت..فالصيف..للوادي..صفى..مشرابها..!!
إليا..أقبلت..ودك..تقول..أهيب..ياوجه..الحقود..!!=..وإن..دبّرت..قلت..الحِرار..السود..عان..هضابها..!!
وأنتم..عواني..لازهمتونا..نجيكم..فالوعود..!!=نفخربكم..يوم..العرب..تفخر..بطيب..أنسابها..!!
ياعزوة..الغلبا..هل..الوقفه..عمى..عين...الحسود..!!=قبيلة ٍ..بين..القبايل..مجدها..يزهابها..!!
قلته.وأنا..من..لابتي..ولاعلى..أهل..الطيب..زود..!!=أهل..الفعول..اللي..تنومس..كلْ..من..غنابها..!!
سمو..البقوم..اللي..ليامن..حك..عود ٍ..راس..عود..!!=تدجر..ليامن..ثارت..الهيجاء..وجاء..دخانها..!!
روس..الرجال..مطوعين..الضد..حامين..الحدود..!!=بسيوف..هند ٍ..فجّت..نحور..العداء..بحرابها..!!
واليوم..حنا..شعب..واحد..تحت..حكم..ابن..سعود..!!=دون..السعوديه..نبيع..الروح..لاجل..ترابها..!!
جينا..نبارك..في..مزاينكم..عسى..أفراحه..تعود..!!=في..حلة ٍ..دون..المسيّر..مايسكر..بابها..!!

يامحمّد..في..مشاهدكم..نسوق..بشارة..!!=التمْر..دوب..أستوى..ياقاطفين..عذوقه..!!
الرفيق..إليا..دعاني..جيت..له..في..داره..!!=تو..زان..العلمْ..والشعر..إستوى..طاروقه..!!
ياقصيدي..والطريق..إن..طال..بي..مشواره..!!=مدّها..لاتلتفت..للدين..والمفهوقه..!!
كل...شاعر..عنده..إن..أغلا..بنات..أفكاره..!!=كنّها..في..ذمّتي..عنده..من..أغلا..نوقه..!!
القصيد..إختارني..قدّام..أنا..ماأختاره..!!=لين..جبت..من..القصايد..جادل ٍ..منتوقه..!!
والقصيد..بحور..لا..مدّيت...لي..سنّاره..!!=أجلبه..جلبْ..الجواهر..لأحتمى..لي..سوقه..!!
القصايد..بعضها..يشبه..لشن...الغاره..!!=لاسمعها..الظامي..المشفي..تبل..عروقه..!!
وبعضها..مثل..الكتابه..في..جدار..الحاره..!!=كنّها..من..خشم..راعيها..تجي..مخنوقه..!!
والخوي..الكفوْ..عندي..حافظ ٍ..مقداره..!!=وكلّ..طيّب..من..بني..عمّي..نعرفْ..حقوقه..!!
من..رياض..المجد..عاني..يوم..جيت..زيارة..!!=للرجال..اللي..مصادر..عزّها..موثوقه..!!
موقفي..دايم..يشرفني..وأنا..أخّو...ساره...!!=عقّب..اللي..لانطق..مايحتمي..منطوقه..!!
في..محل....آلآد..جانب..والعمَدْ..وأسواره..!!=عزوة ٍ..عندي..لها..مكانة ٍ..مرموقه..!!
مرحبا..ترحيب..لامنّه....بدى..بأنواره..!!=شاف..ضلعان..الشفا؟..اللي..ساكن ٍ..معشوقه..!!
والاماره..يامدور...لك..ختمْ..وأماره..!!=كان..ماهي..عزّ..قطّع..ثوبها..وبنوقه..!!
مايقدّم..من..صفوف..القوم..غير..إخياره..!!=والردي..واللاش...عنها...لحيته..محلوقه..!!
مثل..أبو..ناصر...كفو..سعد..الرفيق..وجاره..!!=طير..حر ٍ..للهدد..قطّع..شروك..سبوقه..!!
قالها..اللي..ميّز..أفعاله..وشبّت..ناره..!!=مدحه..وشرواه...للشاعر..تخيط..فتوقه..!!
الرفيق..إليا..تعلّى..ليه..أهد..جداره..!!=وأعترض..له..في..طريق..المجد..لين..أعوقه..!!
صفنا..واحد..يمن..الدرب..خل..يساره..!!=علّم..الدنفوس..لايبطي..يمط..أشدوقه..!!
الحياه..دروس..والدنيا..ترى..دّواره..!!=لوتعلَى..باليدين..آدم..يدالله..فوقه..!!
عن..عزاتي..لآد..نامر..في..محل ٍ..فاره..!!=من..غلا..راعيه..كل ٍ..جاء..يسوقه..شوقه..!!
في..محل..لآد..جانب..والعمَدْ..وأسواره..!!=جاء..ولد..مرهب..تكلّم..وأحتمى...منطوقه..!!

دعيت في أحد إحتفالات آل غنّام شيوخ قبيلة وازع البقوم

فقلت

آل غنّام

سلام..الله..سلام..أهل..الوفاء..والعرفْ..والإسلام..!!=على..جمع..المعازيم..وهل..الحفله..وراعيها..!!
أنا..ماجيت..للطايف..سياحة..صيف..وإستجمام..!!=أنا..جيت..الرجال..الوافيه..من..شان...أهنيّها..!!
لك..الله..ماحضرت..الا..علشانك..يابن..غنام..!!=خطاء..الرجّال..لاجته...العزيمه..مايلبّيها..!!
ترى..لاجيت..مدعو..في..حفل..ماتعرف..العزّام..!!=يكفي..معرفة..بعض..الرجال..بذكر..أساميها..!!
حضرنا..لو..بعضنا...غاب..لكن..للظروف..أحكام..!!=نسوق..الرجل..لشيوخ..القبيله..لين..نحفيها..!!
وأنا..شاعر..ليا...حان..الوعد..والموقف..اللّزام..!!=أوردها..على..العد..الرهاوي..لين..يرويها..!!
ليا..من..البيوت..أرهت..علي..وجالها..درهام...!!=أنقّيها..وأنقّحها..وأدقق..في..معانيها..!!
وأنا..ماني..بأبو..الطيّب..وأنا..ماني..بابو..تمّام..!!=ولكن...لاسرحت..بها..حرام..أني..لأضويّها..!!
عدوي..بارد..العزم..وردي..الاصل..والنمّام..!!=وأخاوي..روس..قوم ٍ..تفتخربي..يوم..أخاويها..!!
يجيني..لامدحت..أهل..النقاء..والطيبين..إلهام..!!=لكنْ..إقطع..لسان..اللي..مدحها..مايوفّيها..!!
تراودني..هجوس..الشعر...والفكره..ثلاث..أيام..!!=أنا..من..وين..أبى...أبداها..أنا..من..وين..أبى..أنهيها..!!
على..مجد..الجدود..اللي..تمجّد..ذكره..الحكّام..؟؟=على..روس..الرجال..اللي..تقّدمها..يمانيها..!!
مزبنة..الدخيل...اللي..من..صدوف..القدر..منضام..!!=بيوت ٍ..لانصيناها..تذرينا..ذواريها..!!
سلايل..من..فعايلهم..غدت..جمع..الجيوش..أقسام..!!=لها..المجد..التليد...بحاضر..الدنيا..وماضيها..!!
يوم..إن..العلم..بالسيف...الحدب..تركز..لها..الأعلام...!!=على..قب..المهار..اللي..تشوش.بها..عزاويها..!!
ويوم..إن..العلم..في..عهد..الإمن..والخير..والإنعام..!!=تقدمّها.مناصبها..مع..الدوله..وتحميها..!!
أنا..لو..بمدح..أمجاد..القبيله..جفّت..الاقلام..!!=ولكن..مابقى..غير..اختصرها..فيك..وانهيها..!!
تحيات..البناخي..طاب..فالك..والسلام..ختام...!!=على..لآد..البضيعي.والتحيه..من..بناخيها..!!
نيابه..عن..بني..عمّي..حضرنا..والسعد..قدّام..!!=عزاتي.؟.لآد..نامر..من..حضر..منها...يكفيها..!!
سلام..الله..سلام..أهل..الوفاء..والعرفْ..والإسلام..!!=على..جمع..المعازيم..وهل..الحفله..وراعيها..!!

البيض..تنشر..على..السميان..!!=للفوز..شدت..محازمها..!!
ذيدانهم..تفهق..الذيدان..!!=يوم..المزاعم..تزّعمها...!!
تشبه..لعسكر..جيوش..ألمان..!!=تقول..مأحد ٍ...بهازمها..!!
جو..للمزاين..وجوّه..زان..!!=وأركت..على..الزين..ميسمها..!!
أمّا..بذود ٍ..لابن..ورّان..!!=اللي..نقاها...وكرّمها..!!
أليا..أقبلت..كنّها...الضلعان..!!=سود ٍ..يروّع..تدرهمها..!!
والاّ...ابوبندر..وشانه..شان..!!=يوم..أنتقاها..وقدمّها..!!
ألوانها..كنّها..الغربان...!!=قطعه..من..الليل...ناظمها..!!
والاّ..بسالم..ووضح..زيان..!!=لمزاين..البلّ..أمولمّها..!!
إليا..أقبلت..مزنة..الودّان..!!=كن..البرد..في..مقادمها..!!
من..دونها..ترخص..الأثمان...!!=من..شان..تقضي..لوازمها..!!
مرباعهم..نجد..والصمّان..!!=وديانها..السيل..واسمها..!!
ميقاظهم..شرق..من..رضوان..!!=دار ٍ..تشرّف..معالمها..!!
البيض..تنشر..على..السميان..!!=للفوز..شدت..محازمها..!!

دعيت من قبل اللجنه المنظمه لحفل تكريم المشاركين من قبيلة السميان في مزاين أم رقيبه 1429هـ
في منطقة النعيريه

فقلت

المهره..اللي..من..عروق..القلب..تشربني..قراح..!!=أبطيت..أداري..طيشها..لين..أمتحني..طيشها..!!
قلت..أعصب..العمّه..وأجهّز..فالذخيره..والسلاح..!!=وأمّا..يروّح..جيشها..والاّ..يعوّد..جيشها..!!
مير..الوكاد..أني..من...الصفره..ليا..نور..الصباح..!!=تقول..ليل..البارحه..كنّه..مقفلّ..شيشها..!!
يالآد..سامي..والعزوم..كبار..والدنيا..كفاح..!!=لو..كان..مالي..غير...ليله..بينكم..وأعيشها..!!
أنا..أعتبر..نفسي..مكبّل..بالجمايل..والنجاح..!!=واللي..بني..عمّه..كفو..يشوش..من..تشويشها..!!
يستاهل..التكريم..رجل ٍ..تل..باليمنى..الوشاح..!!=واللي..بنو..مجد..القبيله..مانبي..تطنيشها..!!
أهل..المواقف..والوجيه..البيض..وطيور..الفلاح..!!=اللي..بنادقهم..من..الدم..الحمرْ..تنقيشها..!!
المدح..يزهى..والكريم..معان..يالصدر البراح..!!=عزي..لمن..صرّ..الخزاين..ماجنى..تحويشها..!!
كفو..كفو..ياربعنا..السميان..قمتو..بإجتياح..!!=للمرجله..؟وأصغر..شنب..فيكم..يبي..تكويشها..!!
بحّمى الشعاف اللي..تشوّش..كل..ماسمعت..صياح..!!=مال ٍ..يجمّل..فالحياه..ويعتبر..تنعيشها..!!
أنتم..لنا..درع ٍ..متين..وللعدو..سم ٍ..ذحاح..!!=والروس..تقدح..بالسطرْ..قدام..تفصل..فيشها؟..!!
عن..الرخامه..والعلوم..العوج..والسد..المُباح..!!=وعلوم..ماتطلق..وجه..تطغى..على..تهميشها..!!
واللي...يروم..المرجله..يفرد..لها..يمنى..الجناح..!!=والواثق..يمر..النقط.ولا حسب..تفتيشها..!!
واللي..معنّزها..على..الجرف..الهيال..إن..قام..طاح..!!=والشجره..اللي..ماتظلل..مااغتنى..درويشها..!!
والمركب..اللي..يثبت..ويرسي..ليا..شاف..الرياح..!!=ماهمّته..هوج..العواصف..لوبدى..تخميشها..!!
أمّا..يجي..عز ٍ...يسبب..للمقابيل..إنفتاح..!!=والاّ..الحرار..الشقر..ماتت..قبل..فزّت..ريشها..!!

هذه القصيده قيلت في أحتفال بني مرهب بزواج العم عبيد بن عبدالله بن مرهب ومصاهرته مع الشيخ عبدالله بن شويمي الغرمول

فقلت

لابغيت..أقوم..ياربي..عليك..آمالي..!!=لاتقولون..ابن..مرهب..قام..وش..داعيّه..!!
ششت..مير..إن..ششت..والاّ..لو..رميت..عقالي..!!=من..سبب..جيّة..بني..عمي..هل..الجاهيّه..!!
وإن..بغيت..أغلى..القصايد..حضّرت..طوالي..!!=كنّها..تنساق..في..الموقف..على..طاريّه..!!
وكن..بعض..بيوت..شعري..من..جديد..أمثالي..!!=شّرد..الصيد..الثمينه..في..وسط..محميّه..!!
مرحبا..ترحيب...من..غالي..يساق..لغالي..!!=في..نهار..العيد.جيّتكم..لنا...عيديّه..!!
مرحبا..وإعداد..وبل..الماطر..الهمّالي..!!=عقب..ماسالت..فياض..الديره..المسنيّه..!!
باسم..ابوشعوان..أرحب..عقب..طاب.الفالي..!!=عند..راع..الهوبجه..راع..العلوم..الحيّه..!!
ذاك..اخو..هيا..عريب..الساس..عمّ...وخالي..!!=راعي..اليمنى..النديّه..مكرم..الطرقيّه...!!
الكرم..والدين..والخوّه..ووسع..البالي..!!=والشجاعه..وإن..نصيته..حاجتك..مقضيّه..!!
للخوي..أحلى..من..السكّر..وطعم...الحالي..!!=من..يعرفه..يعرف..الطنخه..وصدق..النيّه..!!
من..سلايل..روس..قوم ٍ..يحتمون..التالي..!!=من..هل..العليا...صروح..أمجادهم..مبنيّه..!!
لآد..نامر..عزوتي..ذخري..وراس..المالي..!!=في..نهار ٍ..فيه..ضرب..السيف..والجنبيّه..!!
لأختلط..عج..الرمك..والضرب...صالي..صالي..!!=وإعتزوا..بأغلى..العزاوي..ينجحون..الكيّه..!!
ستر..عذراً..تنتخيهم..لارمت..بالشالي..!!=مثل..مقطاع..الحرار..اليا..أحتمو..للهيّه..!!
باسم..ربعي..قمت..أرحب..عقب..طاب..الفالي..!!=في..محل.أهل..الوفا..وأهل..العلوم..الحيّه..!!